..

《透明人魔2》

2007-07-10T00:03:00.000+08:00

今日都係平常咁番工‧距離 14 號越來越近‧好驚呀‧放工同老公一齊搭車‧番到屋企睇《透明人魔 2 》‧其實都知同第一集會差好遠‧至少戲院都冇上過‧不過估唔到真係咁悶 ... 已經冇晒新鮮感嚕‧臨尾又係留番個伏線‧唔知拍唔拍得成第三集呢 ?

《踢躂小企鵝》

2007-07-09T00:56:00.000+08:00

今日晏晝 Frankie 請我去正湯泰斗食下午茶呀‧間唔中一次好嘞‧唔係實肥死‧放工番屋企食飯跟住同老公睇《踢躂小企鵝》‧嚟緊幾日都係留喺屋企煲碟喔‧我唔要追新電視劇‧

《索女．喪屍．機關槍》

2007-07-08T13:52:00.000+08:00

今日晏晝奉獻咗比 M 仔同檬仔‧因為之前貪得意換咗檬仔啲木糠做最平至 Cheap 嗰隻勁大塵嘅貓砂‧我真係頂唔順 ... 一行近就勁咳打乞嗤流鼻水‧今日老公終於有時間幫我換咗佢‧冇事嚕‧檬仔可以自由活動‧但係 M 仔虐待檬仔呀‧當佢獵物咁咬‧天呀 ... 夜晚去旺角百老匯睇《索女．喪屍．機關槍》‧好耐冇睇過咁鍾意嘅戲真係好正‧視覺感官都滿足晒我‧可惜喺戲院坐正後面嗰班人由頭到尾不停喪笑‧都唔明有咩咁好笑‧仲要笑到咳 ... 離晒譜‧睇完戲去興隆食埋嘢再去行街‧買咗兩件貓貓衫‧好鍾意呀‧仲喺旺角見到兩次安室添‧百老匯上面部大電視賣廣告呀‧開心屎‧夜晚衛視播《神經俠侶》睇咗幾次都一樣咁好睇呢‧

《幽靈車神》+《硫磺島戰書》

2007-07-07T00:08:00.000+08:00

今日終於冇頭暈嘞‧番工好懶呢 ... 咩都冇做過咁滯‧人哋都放晒工啦‧有鬼人睬你咩 ? Lunch 同阿輝去咗 Café Le Must‧因為呢間距離我公司都幾遠‧所以都係嚟過一次咋‧今次個甜品好過上次呢‧係紅豆蛋糕~嘻嘻~!!38 蚊個 Lunch 連埋餐湯甜品仲要冇加一真係好抵‧下半晝番工都係得個 hea 字‧仲玩埋明星三缺一添‧真係好懶呀‧放工同老公喺地鐵站等跟住一齊番去‧老公口痕要食嘢去咗公和食豆腐花‧番到屋企老公瞓咗‧9:00 幾先起身睇碟睇咗《幽靈車神》同《硫磺島戰書》‧兩套都係老公想睇架‧咁我嗰啲呢 ? 睇硫磺島睇到瞓著咗‧呼 ... 好攰喔‧

傻ⓜ

2007-07-06T01:43:00.000+08:00

今朝起身好暈‧真係頂唔順所以晏啲先番公司‧晏晝都冇食 ... 放工同老公去西九‧試 KFC 隻新嘅黑椒脆雞‧又幾新鮮喎‧食完就番屋企‧晏啲 Yen 上嚟坐陣‧死啦 ... 我咩事呢 ? 呢幾日都係咁暈 ... 仲有呀‧終於搵到 First Love 嘅 original karaoke 嘞‧唔洗煩嚕‧

頭暈記﹏*

2007-07-05T00:14:00.000+08:00

今朝起身見頭暈‧呢兩日都係咁‧行步路都企唔穩咁‧搞到冇心機做嘢呢 ! 晏晝我又開始搵 14 號要唱嘅歌 ... 不如轉歌啦‧最尾大家決定咗轉唱 My Love My Fate‧死啦 ... 首歌咁慢‧上到台一定嚇死啦唱安室啦 ... 不過快歌喎‧我又唔識跳舞‧今日公司又有搞笑嘢嘞‧不過算啦 ... 費事提 Frankie 啲醜事~嘰嘰~!! 放工去尖沙咀等老公‧佢要開夜呢‧等到 8:00 靚就走得‧去咗星座食茄牛麵‧早知我唔叫茄蛋牛啦‧個樣都味道都差啲呢‧食完番屋企嚕‧個人真係好暈 ...

驚喜ღ

2007-07-04T10:59:00.000+08:00

今日番工勁攰食完 Lunch 瞓咗陣晏覺‧老公今日嚟接我收工‧跟住出旺角‧要買 First Love 隻碟‧死啦 ... 信和都冇呀‧我要嗰首係 First Love 嘅 Original Karaoke‧一定要 Single 先有‧再搵唔到就可能要喺錄歌程式度 Cut 人聲嘞‧好彩搵唔到要買嘅碟都見到安室嘅大紙板‧夜晚去咗 Mos Burger 食新出嘅 Pizza Hotdog‧都唔錯喎‧我想去 Pepper Lunch 食架‧不過老公話唔抵食 ... 咁下次先食啦‧食完嘢買埋要買嘅嘢就番屋企嚕‧我搵緊啱心水嘅 Blog 喔‧原本想轉去 Yahoo‧不過有好多我想要嘅嘢都冇呢 ... 好無奈呀~!!!

歎

2007-07-03T13:57:00.000+08:00

今日又係番工嘅日子嚕‧新請番嚟個文職冇番工 ... 成日都冇咩特別‧唯一係今餐 Lunch 個意式肉丸好好味‧今日唔記得帶鎖匙要等埋老公一齊番屋企‧尋晚同老公食宵夜發現我追開嘅《 Piku Piku 仙太郎》同老公追開嘅《愛生事家庭》都出咗呀‧而家終於有時間睇嘞

「尋秦記」の兵馬俑展

2007-07-02T14:10:00.000+08:00

今日大隻鼠番咗嚟‧不過夜晚又要走嚕‧所以就出去飲茶‧飲完茶陪大隻鼠行多陣街就走‧撞到阿濤喔‧一個失去聯絡嘅老朋友‧跟住同老公去德福‧今日去「尋秦記」の兵馬俑展‧同老公仲影咗張「化身兵馬俑」嘅數碼相‧好搞笑架‧哈哈~!!!行完經過 GODIVA‧終於食到佢個雪糕嘞‧成日經過都唔記得‧今次揀咗牛奶朱古力碎‧好好味喔‧下次再試其他味先‧之後去埋 IKEA 食 5 蚊熱狗就番屋企‧行到好攰呀‧睇吓電視到 12:00 老公話肚餓‧去咗新香園食嘢‧番到屋企要瞓嘞‧攰死 ...

回歸㊉周年煙花匯演

2007-07-01T14:13:00.000+08:00

今日回歸十周年‧我一早跟咗短線團去離島一日遊‧12:30 就去到紅磡碼頭‧Frankie 同 Jenny 好遲喔‧真係唔怕遲到架喎‧晴天娃娃真係有用‧今日真係冇乜點落雨‧雖然個天色始終差啲‧第一站出發去長洲‧落船行吓去咗食甜品已經夠鐘上船‧下一站南丫島‧去到就食飯‧食完飯又已經要上船‧算 ... 跟得團就預咗要趕‧出番尖沙咀嗰邊已經差唔多睇煙花嚕‧個景好正‧但係 ... 因為風吹我哋呢邊‧所以 ... 啲煙積咗喺我哋面前‧有好多煙花都因為太大煙睇唔到呢‧真係慘呀 ... 原本好令架嘛‧不過個氣氛都好好‧好正‧影嘅相全部唔見得人‧好彩都有拍短片‧大家欣賞吓啦 → 煙花匯演‧同老公食埋宵夜先番屋企‧我而家暈船浪呀 ~ ~ 點解屋企會浮嘅 ?

晴天娃娃

2007-06-30T14:18:00.000+08:00

今日原本約咗阿哥食飯‧不過臨時改咗期下個禮拜先食‧之後另一個阿哥打嚟‧佢發生咗啲事好唔開心呢‧所以約咗出嚟食晏‧再艱難嘅事都可以解決架‧千祈唔好鑽牛角尖呀~!!!食完飯落大雨呢‧公司成班同事出晒去飲茶‧淨低我一個喺公司 hea 吓又收工嚕‧今晚唔出街嘞‧同老公留喺屋企睇《黑夜》‧唔知呢套戲想表達啲咩‧而且 ... 一啲都唔驚‧聽日呀 ... 唔好落大雨呀 ... 驟雨好嘞‧等我掛番個晴天娃娃先‧嘻~!!!

♬HELLO♬

2007-06-29T23:04:00.000+08:00

安室隻新碟反應唔錯呀 ! 好開心呢 ღ 一定要大賣呀 !
Music Station 有安室做嘉賓呀‧就嚟喺 Animax 有得睇嘞‧勁期待呢 !
好小可以喺電視見到安室架‧如果有得睇日本電視節目就好嚕ღ
今次揀咗安室新碟裡面嘅 ♬HELLO♬‧個 MV 好正架‧
其實成隻碟我都好鍾意呢‧愛屎了 ~!!

今日 ... Frankie 炒咗 Ceci‧因為請假問題定係 ? 感覺好怪 ...
因為同佢都幾 Fd 嘛‧不過佢唔在乎咁樣‧所以我都冇講啲咩
夜晚睇 Music Station‧其實平時轉咗台都唔會睇實‧因為冇安室嘛 !
不過今日呢集啲人好似 OK 喎‧一睇之下 ... 瀧與翼跳嗰啲舞認真想死‧
我以前都幾鍾意瀧澤秀明架嘛‧做咩而家會搞成咁架先 ?
睇完計番有安室嗰集 ... 居然要去到 8 月先有得睇呀‧
Shit ... 想等死我咩 ? 惟有睇住電腦頂住先啦 ...

第㊀次滴約會

2007-06-28T14:22:00.000+08:00

今日懶惰地番工‧7 月 14 嗰日佢哋真係定咗要我表演嘞‧慘 ... 老公今晚同 Aunt 去買電話‧咁我就竄出去同 Siu Man 食餐飯先‧已經約咗一段時間嘞‧嘻嘻~!!!今日終於有時間‧放工約咗喺荷里活廣場等‧見到面就去咗飯廳食飯‧之前想嚟都冇試過‧不過唔係好抵食呢 ! 嘢食又唔係差又唔係話貴‧不過咁嘅價錢真係有好多選擇‧一路食一路傾偈‧因為冷氣好凍‧飲埋杯嘢就出去坐陣‧時間過得好快 ... 10:30 要番屋企嚕‧一齊搭地鐵番去‧要麻煩 Siu Man 順路送埋我番屋企添‧希望快啲再有時間出嚟食飯啦‧老公買咗 HTC Touch‧已經喺度不停玩緊‧真係好得意咁喔‧我都玩吓先‧

ღ三年零五個月紀念日ღ

2007-06-27T14:27:00.000+08:00

今日係廿七號喔=3=不過肚仔唔爭氣 ... 好痛呢‧已經戒飲凍嘢仲要飲埋紅棗水都冇用嘅‧定係我太唔忍得痛呀~!!請咗假成個朝早喺度瞓覺‧食完藥好啲就起身玩吓電腦‧老公番赤柱喔‧好想入去探佢呀 ... 其實係想去赤柱‧嘻嘻~!!!不過我都係乖乖哋等佢番嚟啦‧睇埋死亡筆記最終話同漫畫有小小出入‧不過都一樣好睇‧老公收工就去旺角去影貼紙相先‧跟住再去信和買安室隻新碟《 PLAY 》買完去味‧壽司食埋嘢就番屋企‧睇安室新碟送嗰隻 DVD 先‧HELLO 個 MV 勁正喔‧等我搞掂埋聽日擺歌上嚟先‧

廿蚊變二百幾...

2007-06-26T14:31:00.000+08:00

可能月尾 ... 呢排日日番工個個都好懶搞到我都 ... Lunch Ceci 趕住去上堂‧所以是但食啲嘢就算‧不過都係行到夠鐘先番公司‧見有鋼牙扭蛋就抽啦‧一次中 ... 好嘢 ~!! 原本今晚同埋 Joyce 四個人去荷里活睇戲‧十蚊飛咋‧不過因為 9:00 已經勁多人排隊所以放棄咗‧放工等埋老公一齊搭地鐵番去‧等老公期間坐喺度嘅時候無聊整啲水去櫈度影相‧影出到嚟又幾令喔^o^好立體呀‧之後同老公去新香園食嘢‧蛋牛治真係好好味‧番到屋企睇雜誌知道 IMAX 已經有預售飛‧我明明日日去 UA 個網睇實架 ... 點知睇漏咗‧可以喺 Cityline 訂飛‧無奈 ... 最尾買咗下個月尾‧埋單 250 蚊 ...

♬當然歌♬

2007-06-25T00:10:00.000+08:00

아아아당근송
（a a a dang geun song）
啊～啊～啊～當然Song

나 보고싶니 당근 나 생각나니 당근
（na pogosimni dang geun na seng gang nani dang geun）
想見到我嗎　當然　有想我嗎　當然

I Love You You Love Me 당근 당근 당근
（I love you you love me dang geun dang geun dang geun）
我愛你　你愛我　當然　當然　當然

나 좋아하니 당근 나 사랑하니 당근
（na joahani dang geun na salanghani dang geun）
喜歡我嗎　當然　愛我嗎　當然

I Love You You Love Me 당근 당근 당근
（I love you you love me dang geun dang geun dang geun）
我愛你　你愛我　當然　當然　當然

너 변하지마 당근 언제까지나 당근
（no pyonajima dang geun onjegajina dang geun）
雖然不舒心　當然　不管到何時　當然

좋아해 좋아해 당근 당근 당근
（joahe joahe dang geun dang geun）
我喜歡你我喜歡你當然當然當然

행복해요 당근 즐거워요 당근
（hengbokeyo dang geun zergowoyo dang geun）
我很幸福當然我很快樂當然

사랑해 사랑해 당근송
（salanghe salanghe dang geun song）
我愛你我愛你　當然Song

때로는 짜증나고 때로는 힘들어도
（deloneun zazeung nago deloneun himdelodo）
就算有時覺得煩有時覺得累

너의 곁에 언제나 웃고 있는날 생각해
（noye gyote onjena ootgo inneun nar seng ga ke）
想想身邊始終帶著笑容的我

때로는 슬퍼지고 때로는 외로워도
（deloneun serpo jigo deloneun welowodo）
有時覺得痛苦有時候覺得孤單

너의 곁에 언제나 함께하는 나를 생각해 당근송
（noye gyote onjena hamgehaneun na ler seng ga ke dang geun song）
想想身邊始終跟你一起的我當然Song

想擺 ♬ 當然歌 ♬ 個 Flash 上嚟好耐
不過因為技術上嘅問題遲遲未能成事
今日終於比我搞掂咗嘞好開心呀嘻

溶⅓

2007-06-24T00:19:00.000+08:00

今日臭咪一早就出咗門口‧我就瞓到咁上下先起身‧同老公換衫出去鳳城同臭咪飲茶‧同埋卿卿、Sam‧飲完茶同臭咪行陣街都差唔多走嚕‧跟住我同老公行陣街‧阿鴻要幫人睇樓‧搵我哋陪佢‧同老公番屋企執一執屋先‧5:00 就出去‧行到個人溶咗呀 ... 睇完番屋企坐陣‧阿鴻幫我哋搞陣電腦‧再出去越旺度食咖哩薄餅‧食完傾吓偈就走‧送埋阿鴻上車就番屋企嚕‧我同老公都熱溶咗‧肥到接受唔到嘅地步嘞 ~!! 真係要努力做運動‧加油喔 ~!!

ღ臭咪ღ

2007-06-23T01:45:00.000+08:00

今日同阿輝去咗 Riso Cafe 食 Lunch 食完番到公司已經 3:00‧hea 多一陣就收工嚕‧今日臭咪番嚟‧咁我收工就直接去太子搵佢‧等老公出埋嚟就去行陣街‧7:00 就過尖沙咀間有骨氣打邊爐‧周中又話好抵食嘅‧比佢呃咗添‧不過任食嚟講都算唔錯嘅‧食完行多陣就番屋企‧臭咪瞓一晚就走嚕‧

飯局

2007-06-21T00:24:00.000+08:00

公司好多人都病咗‧所以個氣氛好懶洋洋‧上網睇咗好多相‧Pro 機真係好唔同呢‧不過我呢啲柴娃娃影吓相咁‧應唔應該都買番部呢 ...但係拎住出街又真係幾係嘢‧都係打消呢個念頭啦‧晏晝公司近乎冇人‧好懶呀 ... 完全唔想做嘢‧不過唔可以咁呢‧要努力呀 ~!! 收工番屋企先‧晏小小同老公出門口‧今晚同 Yen、金英同阿仔食飯‧原本諗住去大排檔‧最尾因為太熱‧去咗里 ... 不過我哋都唔太好日本嘢呢‧我哋三個女仔都唔食生嘢架‧哈哈 ~!! 食完金英上嚟探 M 仔‧M 仔真係好曳 ... 想咬人呀 !! 衰到死 !!!

㊎鑽喱

2007-06-20T15:10:00.000+08:00

今日晏晝有 Candy 請飲茶‧食到好飽呀‧食完去新華報咗個短線田睇煙花‧晏啲 Frankie 嗌晒救命話唔記得帶銀包‧佢又報名喔‧跟住兩條友去咗 7-11 食雪糕‧番到公司做多陣嘢就收工嚕‧收工番屋企再同老公出去‧去咗金鑽喱食嘢‧其實想嚟好耐架嘞‧不過老公話唔吸引唔肯去‧今日去到就話後悔 ... 後悔咁遲先嚟‧比佢激死 ~!!食完去港灣豪庭散吓步就番屋企嚕‧

端午節快樂

2007-06-19T00:30:00.000+08:00

今日雖然放假‧但係要番大埔食飯呢 ... 所以決定早啲去大埔食群記‧好好味呀‧但係老公唔欣賞‧食完行陣街就番去‧因為時間尚早 ... 所以老公問我出唔出去‧最尾我哋去咗元洲仔公園散吓步‧再去埋個石灘‧有好多白鷺呀‧不過太遠影唔到‧行完就番去嘞‧食埋飯就番屋企嚕‧咁就一日假期嚕‧

我在公司滴㊐子

2007-06-18T15:15:00.000+08:00

今日 Lunch 得自己一個食‧個個同事都好忙呢‧諗咗好耐嗌外賣定出去食‧最尾都係決定去正湯泰斗食薯蓉‧好好味呀‧未試過嚟呢度食到唔好味架‧睇吓雜誌又番公司嚕‧偷吓懶做吓嘢又一日‧而家成日出街見到得意嘅嘢都會買番公司‧可惜張枱冇乜位啦‧唔係就買鋼牙個筆插番去用‧有埋膠紙坐仲有得放相架‧收工番屋企‧大隻鼠又話今日番嚟嘅 ? 又冇咗影 ... 晏啲同老公出去食飯‧行吓行吓行咗去越旺美食‧次次都食到好飽呀 ...

㊗父親節快樂+飛龍在天

2007-06-17T00:32:00.000+08:00

今日同老公去飛龍在天‧買咗 5:00 飛‧所以有好多時間呢‧想去星座食茄牛麵又冇開‧所以又去新記‧不過真係好好味呢‧食完行吓街再去 Charlie Brown Cafe 飲杯嘢‧呢間令過旺角好多呀‧飲完嘢夠鐘就出發去飛龍在天‧其實睇恐龍骨或者機械恐龍都好幾次‧不過硬係有就想去‧行完仲去埋科學館‧同老公玩咗體能挑戰‧8:00 幾先走呀‧跟住番深水埗同 Yen、大頭仔食飯‧唉 ... 點會發生啲咁嘅事架‧有咩事就搵我啦 ... 我幫到你一定幫架‧希望件事快啲完啦‧食完番屋企 ... 今日行到好攰喔‧父親節快樂呀 ~!! 不過大隻鼠番唔到嚟呢‧要後補父親節嘞‧仲有呀‧今日見到 Summer Rain 喔 !!

♬Hide & Seek♬MV

2007-06-14T00:36:00.000+08:00

安室嘅歌係好聽‧不過都係有聲有畫先係 Perfect‧
終於有時間 Upload 個 MV‧真係好正架‧

♪公司唱溪日♪

2007-06-13T00:38:00.000+08:00

今朝番工睇報紙嗰陣發生咗一件好恐怖嘅事呀 ~!! 搞到我而家好有陰影喔‧話說我見到一隻曱甴仔‧咁我攞紙巾殺咗佢之後又再見到‧不停殺咗一陣之後我已經勁驚 ... 嚇到想暈之後我周圍睇吓仲有冇啦‧點知就發現電話下面有一堆 ... 係一堆呀 ~!! 嘩 ... Frankie 唔喺度‧糾察隊仲叫我快啲捉 ... 鳴 ... 我就喺好惶恐嘅心情渡過漫長嘅上晝‧唔知係咪今晚唱溪定係又有人開咗單嘅關係‧公司一半人都好懶洋洋喔‧聽日又有人請飲茶嘞‧嘻嘻 ~ 放工就一齊去唱溪‧有兩個唔去‧嘩 ... 玩到點幾喔‧好攰呀‧唔講咁多嘞‧睇相啦‧

小貓B﹏*

2007-06-12T00:41:00.000+08:00

今日成日番工都係喺度砌圖去影印‧成二百張架 Lunch 同 Joyce、Ceci 去食飯‧傾偈傾得勁開心呢‧終於體驗到有傾有講嘅同事關係‧差唔多收工 Frankie 又話要食下午茶‧平時都係我出去幫佢買架‧但係佢見到我喺度發呆‧就問我食唔食燒雞翼‧跟住就出咗去買‧呢個經理真係好喔‧不過唔可以食咁多呀‧就嚟變肥豬嘞 ~!! 收工原本諗住同 Yen 食飯兼去寵物店探佢隻貓貓‧最尾佢要行街取消咗‧我同老公就照去寵物店‧睇睇吓貓就見到 Yen 同阿仔呢‧有隻貓勁嗲阿 Yen ~ 最尾佢都係忍唔住買埋呢‧兩隻貓 B 都要下個月先攞得‧心急死人咩‧睇完貓就走嘞‧同老公去麥記食雙層魚柳包‧我就食番至尊‧老公話好好味呀‧不過我冇乜興趣試‧

㊗老公生日快樂

2007-05-24T10:58:00.000+08:00

今日老公生日 ღ 其實我今次都冇諗過點樣慶祝
淨係夜晚去食自助餐 ღ 晏晝就空白咗添
同老公提議去碌齡 ღ 咁我哋就去奧海城嘞
原本諗住食目黑點知執咗 ღ 咁就揀咗甘味茶屋
啲烏冬唔錯喔 ~!! 食完嘢準備去碌齡 ... 點豬要排隊
老公就話不如行吓街就算啦 ღ 咁我哋就去行街嘞
行到咁上下番屋企 ღ 晏啲再出門口
今晚去半島 The Verandah 食半自助餐
完全冇停過咁食咗兩個幾鐘 ღ 食到好飽好滿足喔
老公個生日就咁過咗嚕